Huc vos egregii certatim accurrite vates !…
Totius Europae dum vis coit impia regum,
Arma in nos glomeras ; perque horrida tela, per ignes
Pro patria erumpit nostrorum interrita virtus
Assueta omnigenas decerperer Gallia lauros,
Natis Pindi aditus referat… Promensque coronam,
Ecce suos Phoebus vobis ostentat honores.

Servili quondam irrepebat compede vincta,
Nec rapide poterat, parvo sese orbe coarctans,
Musa per aethereos audax se rollere tractus.
At nunc Libertas campum dat grata patentem ;
Jam licet ingenio totos expandere nisus :
Et modo per coelum rapto pernicibus alis,
Heroa aut superos sublimi pangere versu ;
Mox gravibus modulis, veluti spirante tabella,
Ante hominum aspectus veri describere leges ;
Virtutem aut vitium certo distinguere tactu ;
Vel festa agresti cingendo tempora fronde,
Pastorum ingenuos imitari carmine ritus,
Naturae & cultus roseos, nulla arte nitentes.

Si quem ergo laudis moveat praeclara cupido,
Et sacer inflammet stimulantis Apollinis ardor,
Prodeat in scenam… Digno & modulamine canta
Quod patriae prosit decori, quod moribus ipsis,
Accipiat meritos, lauri cum munere, plausus.